Thursday, November 1, 2012

भैलोमा...

रामकृष्ण पौडेल "अनयास"
नबस बैनि टिका माला लिएर दैलोमा
आउदिन यो साल रमाउनु गाउँमा गएर भैलोमा

दशैँ तिहार त्यो गाउँमा रमाउदै खादाहुन
बिदेशमा भन्दा आनन्द बरु त्यै धुलो मैलोमा

दुःख सुख साथिभाई छाडे भाग्य बिग्रिएर
लोभले तान्दा ल्याउछु पैसा भन्दथे थैलोमा

नबस बैनि टिका माला लिएर दैलोमा
आउदिन यो साल रमाउनु गाउँमा गएर भैलोमा

हुन्न सानु..


सधै आँखा  तारी रिसाउनु हुन्न सानु
सवै सामु विन्ती बिसाउनु हुन्न सानु

तिम्रा  लागि पागल बन्ने धेरै भेटिदा
तिनी सँग हाँसो मिसाउनु हुन्न सानु

पवित्र जिन्दगी नै तिम्रै लागि सुम्पिदा
हाम्रो नाता व्यर्थै चिसाउनु हुन्न सानु

तिमिलाई मन्दिर मानी पुजा पाठ गर्दा
घाँस सम्झी  फूल पिसाउनु हुन्न सानु

कफिनमा कैद भएको सपना


( सुधीर ख्वबि )

सुन्छुं , आज फेरि एउटा अर्को अबोधसुन्दर मोहक सपना 
लक्षबाट मुक्त, कफिनमा कैद भएर आफ्नै माटो फर्कियो  |
((जिन्दगि परदेशको माटोमा, मरेपछी घर आँगनबिडम्वना ! ) 

अस्तिसम्म  सकुसल नै थियो रे केहि थान सपना , भन्थे 
कसरि आज चट्यांग भएर आफ्नाहरू माथि बज्रपात भयो  |
(कुनैकुनै सपना यति  क्रूर हुने गर्दछ, सपना हो कि सजाएँ  ?)

किन सपना यति महँगो हुन थाल्यो अचेल एकै छाकको पनि 
ज्यानै पनि नराम्रो संग, चिथोर्दो रहेछ चुपीले जतिकै  |
(सपनाको संसारमा फूल धेरै, बिपनाको संसारमा काँडा धेरै )

यतिबिघ्न क्रूर सजाएँ किन एउटा सपना साँचेकोमा पनि  
नियति यो कस्तो सपनाको बदलामा ज्यानैको बाजी  
( बाँचुन्जेलको अर्थ राख्छ,   मृत्युपछी सपनाको  के अर्थ ? )  

बाँच्ने  जिजीबिषा  कति  थिए  होलान्, पलपल कति मरे होलान्
निरिह  बनि  कति पीडा रोए होलान्,   कालको  सामु  झुके होलान  |
( सुखका  लागि  जति  दुख  खेपे,  सायद  जिन्दगि  त्यति मात्रै रहेछ  )

हजार  रहरको  मलामी  उहिले गैसकेको रहेछ, टुक्रिन्दै  टुक्रिन्दै 
आज हिंड्यो एकलै मृत्यु भोग्दै, सपना  मुट्ठीमा कस्दै कस्दै 
(जिन्दगि    सासको   हुन्छ , फेर्न  सकिएन  लासको  हुन्छ.. ) 

कस्तो दुविधाको हुँदो रहेछ यो  जिन्दगि सपना दुवै परिपूरक 
दुवैको बिचमा समयले कोर्ने गर्दछ एउटा विभाजनको अदृश्य धर्सा 
(सपनाको मृत्युमा जिन्दगि, जिन्दगि  नै रहनु पर्ने हो... रहँदैन तर )  

सुन्छुं , आज फेरि एउटा अर्को अबोधसुन्दर मोहक सपना 
लक्षबाट मुक्त तर कफिनमा कैद भएर आफ्नै माटो फर्कियो  |
(सोचें , जिन्दगि ठूलो कि सपना ! खोजें, सपना बिना जिन्दगिको अर्थ ?) 

(धेरै जिन्दगीको समीकरण सायद यस्तो हुँदो हो )
जिन्दगि : एकछाक खाना + सपना 
जिन्दगि : एकसरो लुगा + सपना 
जिन्दगि : एउटा छानो + सपना 
जिन्दगि : एउटा लक्ष + सपना 
जिन्दगि : अनेक सपना + जिन्दगि  
जिन्दगि : अनवरत यात्रा +अवसान ?
( त्यसपछि ..... मात्र निस्चिन्तता...!)

हुन्न साथी


अरुको आत्मसम्मानको बेवास्ता गर्न हुन्न साथी
जिस्किएर नी बचन बाण हान्न हुन्न साथी
स्नेहको बाछिट्टामा रुझ्न चाहन्थे
रुवायौ,अबमुल्यन आँशुको नी गर्न हुन्न साथी - !!!
................


'भन्थे' आत्मसम्मानको बेवास्ता गर्न हुन्न साथी
जिस्केर 'नी' वचन बाण हान्न हुन्न साथी
तिम्रो स्नेहको बाछिट्टामा रुझ्न चाहन्थे
रुवायौ, डुबेर आँशुमा मैले मर्न हुन्न साथी - !!!
.............

गोर्खालीका हीत हरु.


< गजल
अतित लिङ्देन ( सुब्बा )

चिनेकै संसारले गोर्खालीका हीत हरु
मेट्ने छैन इतिहास सहिदका जीत हरु ।।

अमरछ हामी सामु कथा अनि कविता त्यो।
भुल्नु हुन्न हामी कैले देश भक्ति गीत हरु।। 

सजिएर सान देउ ढाका टोपी चौबन्दीको
आफ्नै छन् परम्परा संस्कृती रीत हरु ।।

एउटै नाता हाम्रो  हिमाल तराईको
छुट्ने छैन कैले पनि , अजम्बरी मीत हरु ।।

आँखा बाट झरे आँशु थापी देउ अन्जुलीमा।
छल्किएर पोखी जाला बिहानीको शीत हरु।।

अतित लिङ्देन ( सुब्बा )
झापा

थाहा छैन मनको ..


थाहा छैन मनको आगो दनदनी जल्न थाल्यो,
यो बदन मा भुकंप गो एकाएकी ढल्न थाल्यो..

पलपल मा सम्हालिंथियो पलपलमा बरालिदै,
भर छैन जिंदगी ले हाकाहाकी छल्न थाल्यो..

सोच्छु, एसै बरालिउ कि, भित्री मनले रोक्छ फ़ेरी..
निशासिदै रोकीएको ढुकढुकि जल्न थाल्यो,,

लाग्यो होला मनमा चोट, कोई कसैले घोच्यो होला..
एक धड्कन दुई भई लुकीलुकी चल्न थाल्यो...


बिशाल पौडेल'आर जे'

न खोज भो !


दोष जती मेरो सिरमा चुलाउन खोज भो!
गाँठीकुरो खोले हुन्छ झुलाउन खोज भो!

देखाएर सप्नाहरू जीवनको फूल फूलाउने!
काँडा यता अन्तै फूल फूलाउन खोज भो!
...

मीठा मीठा बात संगै रात सधै हाम्रो हुन्थ्यो!
खुसी हरू पीड़ा माझ ,घुलाउन खोज भो!

कति दिन टिक्छ वैस ?झरेपछि थाहा हुन्छ!
अघि-पछि हजारौंलाई डूलाउन खोज भो!

तिमी बिना सक्दिन सजिलै मर्न पनी!
दरिलै थे हात गोडा ,,लूलाउन खोज भो!

कृष्ण मानव खड्का
सानोश्री बर्दिया

सोमनाथलाई चिठ्ठी पढ्दा (कृति समीक्षा)


 --खगराज न्यौपाने
सूर्यनाथ सापकोटाद्वारा लिखितसोमनाथलाई चिठ्ठीपत्रात्मक गीतिकाव्य हो  बाग्लुङको रातामाटामा २००५।८।८ गते जन्मिएका सूर्यनाथ सापकोटा विभिन्न विधामा कलम चलाउन सक्ने सशक्त साहित्यकार हुन्  बाग्लुङमा जन्मिए पनि जागिरको सिलसिलामा दाङ आएका सूर्यनाथको कोमल साहित्यिक मन दाङकै प्राकृतिक सुन्दरतामा रमाउन थाल्यो स्रष्टाले दाङलाई नै कर्मथलो बनाउन पुगे  बाग्लुङका ग्रामीण वस्तीहरु त्यहाँका वन, पाखा, लेक, टाकुरा, खोला, छरछिमेकको न्यानो माया सरसंगतको मधुरो सम्झनाले स्रष्टालाई पछ्याइरह्यो  मन मिल्ने साथीहरुको सम्झना कता कता रही नै रह्यो  बालककालदेखि सँगै खेलेका, पढेका रमाइला दिन बिताएका तमाम साथीमध्येका सूर्यनाथ सापकोटाका एउटा साथी हुन्सोमनाथ  सोमनाथले यस गीतिकाव्यमा लेखेका मन्तव्यका कुराले सूर्यनाथ सोमनाथ अति मिल्ने साथी हुन् भनी पुष्टि भएको भनेसोमनाथलाई चिठ्ठीपत्रात्मक गीतिकाव्य प्रकाशनले सूर्यनाथले पनि हामी दुई जिउ एक थियौं भनी प्रमाणित गरेका छन्  आफ्नो जीवनमा साथीलाई लेखेका चिठ्ठीहरुको संँगालो तयार पारी पुस्तकाकारको रुप दिनु निश्चय नै महत्वपूर्ण कुरा हो 
राप्ती साहित्य परिषद् दाङले प्रकाशित गरेको २७ औं पुष्पगुच्छा होसोमनाथलाई चिठ्ठी’, यो पत्रात्मक गीतिकाव्यमा वटा चिठ्ठीहरु रहेका छन्  यसमा ३०१ कविताहरु छन्  पेजको हिसाबले यो कृति ६३ पेजमा फैलिएको   यो कृतिको कभरपृष्ठ भित्रको कागज पनि राम्रो   सम्पूर्ण चिठ्ठीहरु झ्याउरे लयमा छन्  यसैले यो कृति गेयात्मक शैलीमा   बाल्यकालको सम्झना स्रष्टाको मन, मस्तिष्कबाट हट्न सकेको छैन  एउटा उदाहरण
तिम्रै साथ हेर्दथे गाई, बलेबासारीमा
तिमीसँगै डुल्थें सधैँ खेत बारीमा
ती दिन गए आउन्न हकि तड्पेर रोएर, बन्दैनौं हकि ?
बालक हामी ती ठाउँ डुलेर 
त्यस्तै जन्मथलोको खबर पाउन अत्यन्त उत्सुक भएका स्रष्टाले यसरी भावना पोख्छन्
त्यो रातो माटो हिंड्नेबाटो भत्कन सक्दैन
लेख्नु है यौटा चिठ्ठीको टुक्रा महंगो पर्दैन 
स्रष्टालाई जन्मथलोको माया छँदैछ कर्मथलो दाङको पनि माया यसरी व्यक्त गर्छन्
धौलागिरी देऊ तिम्रो आज मलाई शिर,
हेर्न मन लागेको आज घरतिर,
काली तिमी पनि दाङतिर बग्ने गर,
तिम्रो ठण्डा पानी पिउने मेरो रहर 
कर्मथलो दाङमा कहिले काहीं स्रष्टालाई कतैबाट आघात पर्दा यसो भन्छन्
केले हो केले चसक्क पार्छ यो मेरो मुुटुमा,
आफन्त माया पाइँदैन हकि विरानो देशमा 
स्रष्टाले देशमा देखापरेका समस्याहरुलाई पनि कृतिमा समावेश गरेका छन्  झ्याउरे छन्दमा भए पनि आफ्ना मनका पीडा, जनताका पीडाहरुलाई व्यंग्यात्मकरुपमा ठाउँठाउँमा पस्केका छन्  नेतृत्व तहमा बस्नेलाई स्रष्टा यसो भन्छन्
कुर्सीका भोका देशको माटो, खाएर मेट्दै छन्,
देवता भनी डुमिनी सर्पलाई पो पाल्दैछन् 
सरल भाषामा लेखिएका गीतहरु पाठकहरुको मन छुन सफल देखिएका छन्  यस कृतिमा नेपालीहरु कहिले अनेकताबाट एकतामा बाँधिएलान् नेपालमा विकास होला भनी स्रष्टाले चिन्ता पनि व्यक्त गरेका छन्  रोल्पा पुगेर स्रष्टाले धौलागिरिलाई हेर्दा खुशी हुन्छन् भन्छन्
हे सोमनाथ व्यर्थ खोज्छु धवलागिरीलाई,
उसले मलाई हेरेको रै लिएर उचाइ,
मात्र अब बन्दिन होचो आँसुले गलेर,
को उठ्न सक्ला साढेझैं सधैँ मानिस लडेर 
यहाँ स्रष्टा भन्छन्अब साढे लडेका झैं लड्ने दिन छैनन् किनकि देशमा गणतन्त्र आइसक्यो  अब जनताका चाहना पूरा हुनुपर्छ  यसरी यस कृतिमा स्रष्टा सूर्यनाथले अति मिल्ने बाल्यकालका साथीलाई सम्झेर बाग्लुङका गाउँ वस्ती, खोला, गुराँसले भरिएका रनवन, पाखापर्वत झरना, बसेका घर कोठा, आदिको बहुत राम्रो सुन्दर वर्णन गरेका छन्  यो कृति गीतिकाव्य भएको हुनाले एकातिर मुनामदनझैं लयमा भने अर्कोतिर मेरो प्यारो ओखलढुंगालाई समेत यो कृतिले आफूलाई उनीहरुकै हाराहारीमा लग्न प्रयास गरेको   जतिपटक कृति पढ्यो उनी मिठो लाग्छ यसैले यो कृति अनुपम   कृतिसत्यम, शिवम्, सुन्दरम्ले भरपूर्ण  
गर्ने भन्दा गराउने भलो यो कृतिमा चिठ्ठीहरु श्रीकृष्ण शर्मा पथिकलाई देखाउदा अरु चिठ्ठी तयार पारी काव्य कृति निकाल्नुपर्छ भनी दिएको सल्लाह स्रष्टाले आफ्नो मन्तव्यमा उल्लेख गरेका छन्  यसैले उत्साहदाता
श्रीकृष्ण शर्मा पनि धन्यवादका पात्र छन्  भूमिका लेखिदिने नारायणप्रसाद शर्मा, पुरुषोत्तम खनाल, डा. श्रीधर गौतमप्रति स्रष्टाले सम्मान व्यक्त गरेका छन्  बाग्लुङको यो ऐना जस्तो
कृति विभिन्न लय, अलंकार, विम्बहरुको प्रयोग आदि विभिन्न कारणले गर्दा यो कृति पठनीय, मननीय रहेको   आठवटा पुस्तक प्रकाशित गरिसकेका स्रष्टा विभिन्न साहित्यिक
संघसंस्थामा आबद्ध छन्  पुरस्कृत भएका पनि छन् 
स्रष्टाको लेखनी अझ सशक्त बन्दै जाओस् भनी कामना व्यक्त गर्दछु 

सल्लाह सुझावको अपेक्षा राख्दछु