Monday, July 29, 2013

कार्यक्रम गजलका थुँगाहरु~१०


दर्जनौ ब्लगहरुमार्फत एकैपल्ट सुन्न र डाउनलोड गर्न सकिने
कार्यक्रम:- "गजलका थुँगाहरु" 
अर्जुन दृष्टि पौडेलको परिकल्पनामा 
नमस्कार साथीहरु, आज मिति २०७०।4।15 गते हामी गजलमनहरुको यौटा भिन्दै कार्यक्रम  विशेष लिएर उपस्थित भएका छौं । गजलकार अर्जुन पौडेलको परिकल्पना र उत्पादनमा एकै पल्ट विभिन्न 25 ब्लगहरु तथा वेबसाइटहरु मार्फत एकै पल्ट प्रसारण हुने नेपाली साहित्य जगतमा एउटा अनुपम प्रयास, तपाई हाम्रा मिलन विछोडका कुरा, कतै मन दुखेका कुरा त कतै माया र प्रेम साटेका कुरा, गजल मार्फत अभिव्यत गर्ने साझा चौतारी कार्यक्रम गजलका थुँगाहरु लिएर कार्यक्रम प्रस्तोता उपस्थित फुच्ची जमुना  हुनुभैक्नुभएको छ ।
कार्यक्रममा अनायासका पानाहरु फेसबुक पेज र गजलका थुँगाहरुमा पोष्ट भएका गजलहरु तथा तपाइहरुलेनै मेलमा पठाउनुभएको गजलहरु लिएर आएका छौं । आजको श्रृङ्खला कस्तो लाग्यो हामीलाई सल्लाह सुझाव र प्रतिकृया दिन नभुल्नुहोला । आउनुस् हामी पनि सुनौ गजलका थुँगाहरु ।

Download Here

Saturday, July 27, 2013

भाग्य कर्म दैब सबले एकै चोटी ठगे पछि


रामकृष्ण पौडेल अनायास

सयपत्री र मखमली फूल सारे भन्थ्यौ बैनी
गोडमेल गर्दा पालुवा लाई बारे भन्थ्यौ बैनी /

बर्खामास कैले भेल नारायणी उर्ली आउदा
घरखेत संगै लग्यो दाई हारे भन्थ्यौ बैनी /

न त दाई आउने भए न त बच्यो बास आखिर
भन्दै फोनमा रुदै आश मारे भन्थ्यौ बैनी /

भाग्य कर्म दैब सबले एकै चोटी ठगे पछि
चुहिने छानो आदि गास टारे भन्थ्यौ बैनी /


गजलकुञ्ज

तप्प-तप्प अश्रुधारा चुहाएर गयौ

(सवाल जवाफ )

सवाल

तप्प-तप्प अश्रुधारा चुहाएर गयौ
मलाई छाडी त्यै आँसुले नुहाएर गयौ

गुमाउनु पर्दा मुटु पोल्छ भित्र भित्र
तेसै बेला कोमल मुटु छुवाएर गयौ

खुशी हरु एकाएक बिछोडमा भुल्दा खेरि
बेदनाको चर्को पिडा लुकाएर गयौ

नछुट्टिने साइनो हाम्रो छुटायर जादा
जाने बेला टिलपिल आँसु सुकाएर गयौ

रामकृष्ण पौडेल ''अनायास''


जवाफ

बलिन्धारा आँशु खस्यो तिमीसँग छुट्दाखेरी
शरीर पुरै भिज्नपुग्यो आँशुको मूल फुट्दाखेरी

म पनि त वेचैनीमा छटपटिदै बसेकी छु
दुई मुटुलाई छुटाउन सारा समाज जुट्दाखेरी

वेदनाको चर्को पिडा लुकाई जान बाध्य भएँ
विछोडको पलमा सारा खुशीहरु लुट्दाखेरी

आँखाको त्यो डिलबाट आँशु खस्नै लाग्दा पनि
लुकाउन बाध्य भएँ सारा साइनो टु्टाखेरी

C RU Silwal

वियोगमा चिच्याउँदै आफ्नै मुटु छोड्नु पर्यो


(सवाल जबाफ )

सवाल 

यता माया टुटायर पराई संग जोड्यौ आखिर
नचाहादा नचाहादै सम्बन्ध लाई तोड्यौ आखिर

अन्तिम चोटि भेट्छु भन्दै पारिबाट आउदै थिए
वारी हुदै बेशी बाटै आउने बाटो मोड्यौ आखिर

आज तिम्रो बियोग मा छट्पटिदै भुइमा लड्दा
सिउदोमा एक धर्को सिन्दुरले कोर्यौ आखिर

संगै बाच्ने संगै मर्ने मुटु यौटै थियो भन्थ्यौ
नशा बाटै छुट्याएर त्यै मुटु नि छोड्यौ आखिर

भरतपुर रामकृष्ण पौडेल ''अनायास''



जवाफ

मुटुमाथि ढुङ्गाराखि सम्बन्धलाई तोड्नु पर्यो
नचाहँदा नचाहँदै अन्तै नाता जोड्नु पर्यो

आउँछौ भनि तिम्रै बाटो हेरि बसेँ बर्षौ बर्ष
न खबर न मान्छे बाटो अन्तै मोड्नु पर्यो

म पनि त बेहोशीमा छटपटिदा छटपटिदै
खालि सिउँदो भरेपछि घुम्टो पनि ओढ्नु पर्यो

सँगै बाँच्ने सँगै मर्ने बाचा कसम टुटेपछि
वियोगमा चिच्याउँदै आफ्नै मुटु छोड्नु पर्यो
C RU Silwal






Thursday, July 25, 2013

सम्झनाका ति आँसुलाई,भीत्रै थुन्छौ होला हरि /

सुमी मन्जरी

म मरेको दिन तिमी, कति रुन्छौ होला हरि
वियोगमा तड्पीएर बिहोस हुन्छौ होला हरि /

कैले रिस कैले माया कति सुन्दर संसार थियो
सम्झनाका ति आँसुलाई,भीत्रै थुन्छौ होला हरि /

आतिन्छौ कराउछौ अनि मेरो मुख हेर्न
रामनामी लाई फाली लास छुन्छौ होला हरि /

कोहि रोलान परिवारमा सबका आँखा मलिन हुदा
छाती पिटी आँसुले जिउ धुन्छौ होला हरि

एक्लै बस्न सक्दैनस भो सोच्नु पर्छ भन्लान
अर्की ल्याउन सबका कुरा सुन्छौ होला हरि /


बागमती साहित्य प्रतिष्ठान नेपाल,
हाल काठमाडौँ

Wednesday, July 24, 2013

मलाई छाडी त्यै आँसुले नुहाएर गयौ

गजल

तप्प-तप्प अश्रुधारा चुहाएर गयौ
मलाई छाडी त्यै आँसुले नुहाएर गयौ

गुमाउनु पर्दा मुटु पोल्छ भित्र भित्र
तेसैबेला कोमल मुटु छुवाएर गयौ

खुशी हरु एकाएक बिछोडमा भुल्दा खेरि
बेदनाको चर्को पिडा लुकाएर गयौ

नछुट्टिने साइनो हाम्रो छुटायर जादा
जाने बेला टिलपिल आँसु सुकाएर गयौ

रामकृष्ण अनायास
गजलकुञ्ज
(नेपाली टाईप गर्न आउदैन)

Monday, July 22, 2013

उस्ले माया मारेकै जस्तो लाग्छ





1)
नछोड त्यो मुटु मेरो पक्कै अब मारेर जाऊ
जलायर सरिर मेरो आत्मा सबै तारेर जाऊ
सयौ जुनी नसकिने त्यो मायाको साटो आखिर
जाने बेला लासमा मेरो थुंगा फूल छाडेर जाऊ /


2)

आखिर प्रेममा तरवार चलायर गयौ
घमण्डले आफ्नै घरबार जलायर गयौ
बुद्धि विग्रिए पछि कस्को के नै लाग्दो रैछ
मायाले बनेको दरबार ढलायर गयौ


3)

उस्ले माया मारेकै जस्तो लाग्छ
तेसैले त जुठो बारेकै जस्तो लाग्छ
खै अचेल त बिरानो भो म संग
पक्कै हो यो सहर छाडेकै जस्तो लाग्छ


रामकृष्ण अनायास

Thursday, July 18, 2013

खुसीछैन मन

सुमी मन्जरी 

खुसीछैन मनमा मेरो एक्कासी पीर परेपछि
के डराउनु आज आफ्नै छातीमा तीर परेपछि

दुख कष्ट दैबले नै मेरै सिरमा पर्छन किन ?
मर्नु बाच्नु भयो जिबन आखिर भिर परेपछि

आँखामा तुँवालो छ, संसार धमिलो भन्छौ तिमि ,
आन्तिम दिन हो माथि खुट्टा तल सिर परेपछि

भाग्य अनि कर्मले नै ठग्यो दु;खी संसार मेरो
जे गर्नुछ गरोस अब निन्द्रा चिर परेपछि

हाल -काठमाडौँ

Wednesday, July 17, 2013

सिरानी मुन्तिर राखेको तस्बीर समायौ होला

TARA PANT
gazal
साउनको महिना हातमा मेहेन्दी लगायौ होला
अलि माथि लस्करै हरिया चुरा सजायौ होला

उसै त तिलस्मी निखार छल्किन्छ त्यो रुपमा
मुस्कान फिंजाई दर्पणमा हल्का लजायौ होला

बोकेर पूजाको थाली धाउँदैछौ मनमन्दिरहरु
चाहेको सबै पुगोस् भन्दै देउता फकायौ होला

गर्जिन्छ मेघ आकाशमा रिमझिम छ धर्तीभरी
रुझेर आफू झरीमा झन् वर्षिन सघायौ होला

सम्झेर यादगार पलहरु म फर्किने दिन गन्दै
सिरानी मुन्तिर राखेको तस्बीर समायौ होला
Tara Pant

Tuesday, July 16, 2013

शिरको सिँन्दुर एक धर्को मेटिन नि सक्छ

गजल

शिरको सिँन्दुर एक धर्को मेटिन नि सक्छ
मायामा नि चिसो कतै भेटिन नि सक्छ ।

मेरो प्राण तिमिनै हौ भन्दै माया गर्दा पनि
चोखो मुटु आज आफ्नै रेटिन नि सक्छ ।

मेरो बाँच्ने आधार तिमिनै हौ भने पनि
जिवन साथि पराई सँग देखिन नि सक्छ ।

बिश्वास गर्ने आधार पनि हराउदै छ अचेल
मेरै नाममा बिछोड पत्र लेखिन नि सक्छ ।

रामकृष्ण पौडेल "अनायास"
गजलकुन्ज
भरतपुर 13, चितवन

यता माया टुटायर पराई संग जोड्यौ आखिर

गज़ल ,


यता माया टुटायर पराई संग जोड्यौ आखिर
नचाहादा नचाहादै सम्बन्ध लाई तोड्यौ आखिर

अन्तिम चोटि भेट्छु भन्दै पारिबाट आउदै थिए
वारी हुदै बेशी बाटै आउने बाटो मोड्यौ आखिर

आज तिम्रो बियोग मा छट्पटिदै भुइमा लड्दा
सिउदोमा एक धर्को सिन्दुरले कोर्यौ आखिर

संगै बाच्ने संगै मर्ने मुटु यौटै थियो भन्थ्यौ
नशा बाटै छुट्याएर त्यै मुटु नि छोड्यौ आखिर

भरतपुर
रामकृष्ण पौडेल ''अनायास''

मेरो प्राण मेरो भाग्य अनि अन्तिम स्वाहाग तिमि

गज़ल

बाचा कसम बिर्सिएर पईला कता मोड्यौ आज
रहर सारा पुर्याएर बिच बाटोमा छोड्यौ आज /

तिम्लाई चोट लाग्दा खेरि मलाई दुक्छ भन्थौ हिजो
कुन दैबको आँखा लाग्दा सम्बन्धलाई तोड्यौ आज /

तिमि बिना मेरो जिबन एकपल बच्न सक्दिनथे
भन्थ्यौ आखिर पराई संग नाता किन जोड्यौ आज /

मेरो प्राण मेरो भाग्य अनि अन्तिम स्वाहाग तिमि
भन्दै गर्दा पराईको घुम्टो तिमि ओड्यौ आज /

म बियोगमा तड्पीएर छट्पटिदै मर्न लाग्दा
बेहुली बनि कोमल पाउले कस्को दियो फोड्यौ आज

रामकृष्ण पौडेल ''अनायास''
भरतपुर - १३,गज़लकुञ्ज

Monday, July 15, 2013

द्वारिका नेपाल, ज्यु को पुस्तक समीक्षा चितवन पोस्ट मा

चितवनको पहिलो राष्ट्रिय पत्रिका चितवन पोस्ट मा ‘धमिलिएका डोबहरु’ पुस्तक समीक्षा :प्रकासित भयको 

द्वारिका नेपाल, ज्यु को पुस्तक समीक्षा

चितवनको पहिलो राष्ट्रिय पत्रिका.लोकतन्त्र संदेश मा ‘धमिलिएका डोबहरु’


चितवनको पहिलो राष्ट्रिय पत्रिका.लोकतन्त्र संदेश मा ‘धमिलिएका डोबहरु’ पुस्तक समीक्षा :प्रकासित भयको 

सालिकराम सापकोटा ज्यु को पुस्तक समीक्षा

चितवन पोस्ट मा ‘धमिलिएका डोबहरु’


चितवनको पहिलो राष्ट्रिय पत्रिका.चितवन पोस्ट मा ‘धमिलिएका डोबहरु’ पुस्तक समीक्षा :प्रकासित भयको

पुष्प अधिकारी अन्जली ज्यु को पुस्तक समीक्षा

चितवन खबर मा पुस्तक समीक्षा ‘धमिलिएका डोबहरु’

चितवनको पहिलो राष्ट्रिय अर्ध साप्ताहिक चितवन खबर राष्ट्रिय अर्ध साप्ताहिक पत्रिका.मा ‘धमिलिएका डोबहरु’ पुस्तक समीक्षा :प्रकासित भयको

पुस्तक समीक्षा : ‘धमिलिएका डोबहरु’ नियाल्दा



पुस्तक समीक्षा : ‘धमिलिएका डोबहरु’ नियाल्दा
द्वारिका नेपाल, २०७० आषाढ २०(chitwan post )

1





१. विषयप्रवेश ः
गजल कविता विधाअन्तर्गतको उपविधा हो । नेपाली साहित्यमा मोतीराम भट्टबाट प्रारम्भ भएको गजल लेखन परम्पराले अनेकौँ उतारचढाव भोग्दै वर्तमानसम्म आइपुगेको छ । प्रेमिकासँगको वार्तालापमा सीमित गजलको पहिचानले अहिले आफ्नो आयाम विस्तार गरेको छ । साहित्यका नौवटै रस प्रेम, दया, माया, घृणा आदि भाव, राजनीति, धर्म, इतिहास, शिक्षा, समाज आदि विषय, क्षेत्रलगायत यावत् विषयमा गजल लेख्न थालिएको छ । वर्तमानमा सबैभन्दा धेरै लेखिने रचना नै गजल बन्न पुगेको छ । तसर्थ, यसले छुट्टै विधाको मान्यताका लागि टाउको उठाउन खोजेको देखिन्छ ।

नेपाली गजलका लागि चितवन निकै उर्वर भूमि सावित भएको छ । ६० को दशकबाट चितवनले फुुटकर र कृतिगत रुपमा प्रशस्त गजल पाउन थालेको छ । खासगरी, चितवनमा एफएम रेडियोहरुको स्थापनापछि गजल क्षेत्रमा विशेष चहलपहल सुरू भयो । रेडियोबाट गजल सुनाउने र सुन्ने परम्पराको थालनीसँगै चितवनको साहित्यिक माटोलाई ढपक्क ढाकेको पाइन्छ ।

इतिहासलाई स्मरण गर्दा गजलमा दोहोरी प्रारम्भ गराएर सिजर्नी एफएमको लोकप्रिय कार्यक्रम ‘अनुराग’का कुशल प्रस्तोता अर्जुनमणि पौडेलले नयाँ प्रयोगको प्रारम्भ गरे । प्रेमविनोद नन्दन र शीतल कादम्बिनी, रावलकृष्ण र अजिता अधिकारीजस्ता स्रष्टाहरुको सवाल–जवाफयुक्त गजलवाचनले विशेष आकर्षण प्रदान ग¥यो । यस्तो पृष्ठभूमिमा विकसित चितवनको माटोले प्राप्त गरेको छ, सवाल–जवाफयुक्त सिंगो गजलसंग्रह ‘धमिलिएका डोबहरु’ । स्रष्टा रामकृष्ण पौडेल अनायास र फुच्ची जमुनाको लेखनीबाट सिर्जित प्रस्तुत कृतिले नेपाली गजलको इतिहासमा नयाँ गोरेटो कोरेको छ ।

२. कृतिभित्रको प्रणयभाव ः
गजल आफैँमा प्रेमपरक हुन्छ । त्यसमाथि, सवाल–जवाफ भनेपछि प्रेमका विषयमा गरिएका वार्तालाप प्रश्नोत्तर संग्रहमा समावेश हुनु स्वाभाविक हो । गजलका लागि छुट्याइएका ४७ पृष्ठमध्ये ३८ वटा पृष्ठका गजल प्रणयभावमा लेखिएका छन् । जीवनका लागि प्रेमप्रणय आवश्यक शक्ति हो । यही मान्यतालाई प्राथमिकता दिँदै लेखकद्वयले अधिकांश गजलहरु प्रेमप्रणयका विषयमा लेखेका छन् । युवायुवतीबीच हुने आकर्षण, शंका, उपशंका, मिलन, बिछोड, छटपटीजस्ता अनेकौँ भाव समेटिएका यस्ता गजलले लेखकहरुको युवापनलाई प्रतिनिधित्व गरेका छन् । एकअर्कामा आकर्षण बढेको यथार्थलाई लेखकद्वय सवाल–जवाफमा यसरी प्रस्तुत हुन्छन् ः

सवाल ः तिमी फुल्छौ भनी मरेर आएँ म
आयु थप्न तिम्रो मरेर आएँ म

जवाफ ः मन मुटु लगेकी थ्यौ आउन त प¥यो आखिर
मेरो आयु बढोस् भन्दै गगनबाट झ¥यो आखिर
(पृ.३३)

विश्वासमा संकट उत्पन्न भएपछि शंका तथा उपशंका उब्जनु स्वाभाविक हो । तसर्थ, प्रेममा परेको युगल जोडी एकअर्कालाई वाचा बँधाउन पछि पर्दैन ।
सवाल ः मर्द हुँ भन्छौ भने जहर पनि खान्छु भन
फुच्चीलाई लाने आँट भए हात उठाई लान्छु भन

जवाफ ः लान्छु भन्थेँ ‘फुच्ची’लाई नौमतीमा सजाएर
मर्द हो कि नामर्द हो देखाउँथेँ चखाएर
(पृ.३५)

प्रेमले मात्र जीवनको लामो यात्रा चल्दैन । जीवन चलाउन आयआर्जनको राम्रो स्रोत पनि चाहिन्छ । त्यही स्रोतको खोजीमा कयौँ युवाहरु आफ्नी प्रेयसीलाई घरमा छोडेर वैदेशिक रोजगारका लागि खाडी मुलुकमा तातो घाम खपिरहेका छन् । यही बाध्यता र वास्तविकता गजलमा यसरी आएको छ ः
सवाल ः सात समुद्रपारि छौ काम कस्तो छ राजा ?
ठिक्क छ कि धेरै थोरै दाम कस्तो छ राजा ?

जवाफ ः विदेशीको खुट्टा मोल्दै बस्नुप¥यो दास कान्छी
कमाइ छैन हातमुख जोर्न पु¥याएको छु गाँस कान्छी
(पृ.३६)

श्रृंगार रसले भिजेको ३८ वटा पृष्ठका गजलहरुमा कतै संयोग र कतै विप्रलम्भ श्रृंगार पाइन्छ । समर्पणदेखि वियोगसम्म, आशादेखि भावी योजनासम्मका भावहरुले भरिएका यी ३८ वटा सवाल–जवाफयुक्त गजलमा लेखकद्वय अनायास र फुच्ची लजाउँदै हाँस्दै, रूँदै सम्हालिँदै पोखिएका छन् ।

३. गजलमा सामाजिकता ः
कुनै पनि लेखक समाजसापेक्ष हुन्छ । उसको रचनाको धरातल आफू बाँचेको समाज नै हो । तसर्थ, ‘धमिलिएका डोबहरु’ सवाल–जवाफ गजलसंग्रहभित्र पनि सामाजिकता झल्कने गरी ६ वटा पृष्ठमा गजलहरु समावेश गरिएका छन् । प्रेमसँगै मिसिएका सामाजिक यथार्थ, विकृति, विसंगति, समाज सुधारका कुराहरुलाई पनि गजलकारद्वयले आफ्ना गजलमा समेटेका छन् । स्वार्थी समाजको चित्रण गरिएको एउटा नमुना ः

सवाल ः आखिर सबै संसार मास्ने हुन्छन् अभागीको
पीर व्यथा मनका कसले सुन्छन् अभागीको ?

जवाफ ः पीर नगर्नु तिमी संसार यस्तै छ
स्वार्थ समेट्नमै यो दुनिया मस्तै छ
(पृ.६९)

जब अभाव चुलिँदै जान्छ, त्यसपछि नेपालीहरुको मुग्लान पस्ने क्रम बढ्दै जान्छ । यो नेपाली समाजको वास्तकिता हो । यस्तो समाजको चित्रण गजलकारद्वयले आफ्नो गजलमा गरेका छन् ।
सवाल ः भुलेर पनि मुग्लान नपस्नु है तिमी
सकिनँ भनेर थ्याच्च नबस्नु है तिमी

जवाफ ः कसरी पालिने हो मुग्लान नपसेर पनि
थकित छु प्यारी के गरौँ नबसेर पनि
(पृ.४८)

४. गजलमा राष्ट्रप्रेम ः
हरेक देशभक्त नागरिकका हृदयमा राष्ट्रप्रेमको भावना छताछुल्ल हुन्छ । त्यस्तै, नेपालीहरु आफ्नो देशलाई औधी माया गर्छन् । यस संग्रहभित्र जुन अनुपातमा अन्य विषयका गजलहरु समेटिएका छन्, त्यसको सापेक्षतामा राष्ट्रप्रेमलाई उपेक्षा गरेको जस्तो देखिन्छ । यद्यपि, एउटा गजलमा भने गजलकारमा रहेको देशभक्ति झल्किएको छ ।

सवाल ः विश्वको शिर सगरमाथा ढल्दै छ रे फुच्ची
चन्द्रसूर्य सिंगो नेपाल जल्दै छ रे फुच्ची

जवाफ ः के भो कुन्नि हिजोआज मेची, कोशी सुकेको हो कि
चन्द्रसूर्य छाती मेरो हिमाली शिर झुकेको हो कि
(पृ. ५८)


देश बिग्रँदै गएको कुन स्वाभिमानी नेपालीलाई मन पर्छ र ! गजलकारहरु पनि देशको दुरवस्थाबाट चिन्तित भएर खबरदारी गर्दैछन् ।

५. उपसंहार ः
‘धमिलिएका डोबहरु’ गजलसंग्रह आफैँमा एउटा इतिहास हो । सवाल–जवाफलाई संग्रहका रुपमा प्रस्तुत गरेर लेखकद्वयले प्रशंसनीय काम गरेका छन् ।

कृतिको शीर्षकले निराशावादी चिन्तनलाई प्रतिनिधित्व गरे पनि लेखकहरुमा गजल लेखनका प्रशस्त सम्भावना रहेको यस कृतिले प्रमाणित गर्दछ । केही स्थानमा भाषिक अशुद्धता, मिसरा ए शानी र मिसरा ए उलामा अक्षरहरुको असमानुपातिक रखाइ, कतैकतै भावमा विचलनजस्ता कमजोरी आगामी दिनमा नदेखिएमा साँच्चै कृतिले अझै उच्चता प्राप्त गर्दछ । सवाल र जवाफ कसको ? युवक वा युवतीको ? यो कृतिमा समेटिएको भए अझ स्पष्ट र सुन्दर बन्न सक्थ्यो । यद्यपि, ७२ पृष्ठभित्र समेटिएको प्रस्तुत कृति आकर्षक कलेवरमा आएको छ । गजलकारद्वय रामकृष्ण पौडेल अनायास र फुच्ची जमुनाको लेखकीय क्षमता अझ परिष्कृत बन्दै जाओस् र नेपाली गजलले उत्कृष्ट कृतिहरु यी दुईका लेखनीबाट प्राप्त गरोस् भन्दै हार्दिक शुभेच्छासहित उज्ज्वल लेखकीय भविष्यको कामना गर्दछु ।

Sunday, July 7, 2013

जिबन आखिर पानीको फोका हुदैछ आज /

गज़ल 

आफै बाट आफैलाई धोका हुदैछ आज
जिबन आखिर पानीको फोका हुदैछ आज /

मलाई बर्बाद गरि आफु रामाउछौ भने
तिम्रो माया हावाको झोका हुदैछ आज /

आफ्नो ईच्छा पुरागरि बिचबाटोमै छाड्दा मलाई
जिन्दगी यो बेकाम को खोका हुदैछ आज /

आउछौ सुटुक्क जान्छौ रुवायर घरिघरि
दुखेको यो मन खुल्ला ,ढोका हुदैछ आज /

रामकृष्ण पौडेल ''अनायास''
गज़लकुन्ज

Tuesday, July 2, 2013

गजलका थुँगाहरु~9

दर्जनौ ब्लगहरुमार्फत एकैपल्ट सुन्न र डाउनलोड गर्न सकिने

कार्यक्रम:- "गजलका थुँगाहरु" 
अर्जुन पौडेलको परिकल्पनामा 
मितिः– 2070।3।3 Monday   
नमस्कार साथीहरु, आज मिति २०७०।3।3 गते सोमवार हामी गजलमनहरुको यौटा भिन्दै कार्यक्रम  विशेष लिएर उपस्थित भएका छौं । गजलकार अर्जुन पौडेलको परिकल्पना र उत्पादनमा एकै पल्ट विभिन्न 25 ब्लगहरु तथा वेबसाइटहरु मार्फत एकै पल्ट प्रसारण हुने नेपाली साहित्य जगतमा एउटा अनुपम प्रयास, तपाई हाम्रा मिलन विछोडका कुरा, कतै मन दुखेका कुरा त कतै माया र प्रेम साटेका कुरा , गजल मार्फत अभिव्यत गर्ने साझा चौतारी कार्यक्रम गजलका थुँगाहरु लिएर कार्यक्रम प्रस्तोता उपस्थित रामकृष्ण पौडेल अनायास र फुच्ची जमुना  हुनुभैक्नुभएको छ ।
कार्यक्रममा अनायासका पानाहरु फेसबुक पेज र गजलका थुँगाहरुमा पोष्ट भएका गजलहरु तथा तपाइहरुलेनै मेलमा पठाउनुभएको गजलहरु लिएर आएका छौं । आजको श्रृङ्खला कस्तो लाग्यो हामीलाई सल्लाह सुझाव र प्रतिकृया दिन नभुल्नुहोला । आउनुस् हामी पनि सुनौ गजलका थुँगाहरु ।
आवश्यक भागहरुलाई क्लिक गरी सुन्न सकिनेछ 
Download Here Episode~9
 

Monday, July 1, 2013

स्वार्थि भएछन भगवान

मुक्तक

खोज्दैछु मन्दिरमा भगवान नभेटिन्छन अचेल
स्वार्थि भएछन दुःखमा नदेखिन्छन अचेल ।
मान्छेकै गुण सर्यो होलानि संगत निकै हुन्छ'रे
टन्ऩ कैलाशमा खाएर खुट्टा नटेकिन्छन अचेल ।

रामकृष्ण अनायास

सल्लाह सुझावको अपेक्षा राख्दछु