Tuesday, May 14, 2013

विजय, प्राप्त गर्दैछु !


कविता


हिज त म हारे, मलाई हार्न नै कर थियो त्यो दिन ! !
किन कि मलाई, मेरो ईज्जत र पाप देखि, डर थियो ! !

आज त् म जित्दैछु, किन कि, म नितान्त निर्दोष छु !
हिज कल्पना गरे, कतै गल्ति पो मेरो हो कि,भनि ! !

केहि दिन बाध्य भएर मौन रहे, त्यो अन्याय सहि !
सुन्ने गर्थे हिज, सत्यको विजय ढिलो हुन्छ भनि ! !

आज ढिलैभए पनि मैले, विजय, प्राप्त गर्दैछु !
अत्याचारलाई तल झार्दै, फेरी अगाडी बढ्दै छु ! !

हिज मेरा बनाईएका ति, निष्कृय आत्माहरु !
आज फेरी बितारै, ताते,ताते गर्दै अगाडी बढ्दै छु ! !

निर्मला जिज्ञाशु [ प्रवास ] ईजराएल

तारिख झेल्दै थिई फैसला आउदै छ रे


गजल

तारिख झेल्दै थिई फैसला आउदै छ रे
मन भाँडिएकै थियो बरा! सफाई पाउदै छ रे ।

यौवनले मात्तिएर कतिको मन मार्दै हिन्थि
मुलुकी ऐन ज्यान मारेको "दफा 28" लाउदै छ रे ।

हिरासतमा पर्दा फुच्ची धरौटिमा छुट्छु भन्थि
आखिर आज बिरहका जेलमा गित गाउँदै छ रे ।

माया गर्नु अपराध होईन भन्दै बाहिर नारा लाउदै
पिरतिको मामिला हो जनमासमा छाउदै छ रे ।

इमान्दार भई अदालतमा सबुत प्रमाण जुटाएर
निर्दोश साबित गराउन कट्घरामा धाउदै छ रे

रामकृष्ण पौडेल"अनयास"
गजलकुन्ज

साहित्यको मझेरिमा


यती टाढा किन आउथे चिसो चुलो जलेको भा
चौकिदारी गर्दिन थे खान पुग्ने फलेको भा ||

बाँचुन्जेल खानु न हो मर्दा लानु के नै थ्यो र
आँटो पिठो सबै खान्थे खान्थे ढुङ्गो गलेको भा||

जसो तसो बामे सर्छु साहित्यको मझेरिमा
तिम्रो जस्तै गजल बेच्थे मेरो पनि चलेको भा||


कसरी पो बुझ्छौ तिमी स्वाभीमान भन्ने कुरा
थाहा हुन्थ्यो तिमीलाई तिम्रो शिर ढलेको भा||

मसाल बोकी आए कोही जातित्वको नारा फुक्दै
पक्कै हात सेक्थे होला मेरो झुप्रो बलेको भा||

मेरो मुटु मैसंग थियो

गजल

अध्यारो रात जब ,कमजोर हुन थाल्यो
तिम्रा ति आखाहरु चोर हुन थाल्यो

मेरो मुटु मैसंग थियो तिम्रो तिमिसंगनै
बिजोर मुटु पनि ,जोर हुन थाल्यो

मित्र-भित्रै आगो सल्कियो तनमा मनमा मेरो
बाहिर भने वर्षा घनघोर हुन थाल्यो

थाहा पाय सबैले मेरो चुरा बझ्दा
घर भन्दा बाहिर स्वर हुन थाल्यो


* नयन अधिकारी
भरतपुर

सल्लाह सुझावको अपेक्षा राख्दछु