Thursday, August 30, 2012

हल्ला सुन्छु


आजभोलि हल्ला सुन्छु जीवनसाथी खोज्दै छौ रे
मभन्दा नि अझै राम्रो अरुलाई नै रोज्दै छौ रे

मेरो मुटु तिमी भन्दै सर्बस्व नै सुम्पिदिँदा
उजाड पारी संसार मेरै अझै के के सोच्दै छौ रे

तिम्लाई दुःखी बनाएर बाँच्नुको के अर्थ
मैले भन्दा उल्टै आज मैमाथि तीर घोच्दै छौ रे

ईश्वर भाकी तिम्रो लामो आयु आखिर माग्दा खेरि
मेरो मृत्यु आफ्नो बिहे आज आफै तोक्दै छौ रे

कति माया पाएको छु भन्दै आज दाँज्दा मैले
आफ्नै सिन्दुर मेरो अस्तु मलाई मारी जोख्दै छौ रे

सल्लाह सुझावको अपेक्षा राख्दछु