Friday, May 31, 2013

मेरो चिता फुलै फुलले सजिएको हुदाखेरि


मेरो चिता फुलै फुलले सजिएको हुदाखेरि
सबका आँखा रसाउँदाहुन मेरी उनि रुदाखेरि /

मेरो प्राण मेरो भाग्य तिमिनै हौ भन्दा भन्दै
भक्कानिदै ढल्छिंन होला शिरको सिन्दुर धुदाखेरी /

घरको माया हाम्रो खुशी,उन्को काखमा बस्दा आखिर
भन्थे दैब डराउँदोहो मलाई आई छुदाखेरी /


रामकृष्ण पौडेल ''अनायास''
गज़लकुञ्ज,चितवन

Sunday, May 26, 2013

सुनको महल नसके नि संसार दिन्थे खुशिको


गजल

सपना देखाएर मुटु   टुटाउँछ्यौ भने काली
अब केही बोल्दीन संम्बन्ध छुटाउँछ्यौ भने काली ।

के गल्ती गरे आखिर  माया गर्छु भन्दा मैले
म सहिँदिउँला आँसुले चुटाउँछ्यौ भने काली ।

सुनको महल नसके नि  संसार दिन्थे खुशिको 
आफ्नो भन्दिन भो मेरै बस्ति उठाउँछ्यौ भने काली ।

धनकै भरमा पराईलाई  जिवन सुम्पेउ भन्दा सुने
मौनछ सारा बस्ति आफ्नो भाग्य फुटाउँछ्यौ भने काली ।

रामकृष्ण पौडेल अनायास
गजलकुन्ज चितवन

Saturday, May 25, 2013

“धमिलिएका डोबहरू”मा समुन्द्रपारिको प्रेम







 “धमिलिएका डोबहरू”मा समुन्द्रपारिको प्रेम



पुष्प अधिकारी ‘अन्जली’

नेपाली गजल साहित्यमा एउटा फरक शैलीको रूपमा चितवनका दुई प्रतिभाको एउटै कृति गजल सवाल-जवाफको सयुक्त सङ्ग्रह प्रकाशन हुनु चितवनको गजल इतिहासमा पहिलो कृति हो । यस कृतिले निश्चित रूपमा एउटा सकरात्मक सन्देश दिनेछ समाजलाई र गजलकारिताको क्षेत्रलाई मान्छेका मनहरू कसरी कहाँ रूपान्तरति हुन्छ त्यो समयको कुरा हो । मैले चिनेको यी दुई प्रतिभा गजलकारहरू रामकृष्ण पौडेल र फुच्ची जमुना नेपाली गजलका तिख्खर प्रतिभा हुन् । सृजनाको आगो बोकेर प्रत्येक गाउँ वस्तीहरूमा काव्यिक चेतना भर्न सक्ने यी प्रतिभाशाली गजलकारहरू संवेदनशील हुन् । अक्षर यात्राहरूमा र समयका पाउहरूलाई क्षतिपूर्ति दिनसक्ने सम्भावना छन् यी प्रतिभाहरूसँग ।

यस कृतिमा रामकृष्ण पौडेलले कतिपय सवालहरु राखेका छन भने फुच्ची जमुनाले त्यसको जवाफ लेखेकी छिन् र कतिपय गजलहरू फूच्ची जमुनाले त्यसको सवाल छ। डेकी छिन् र रामकृष्णले जवाफ दिएका छन् । यस कृतिमा गजलकार रामकृष्ण र जमुनाले समय को नदी भएर गजलका तरङ्गहरू छाल जस्तै उतारेका छन् । निद्रामा रहेका मान्छेहरूलाई व्युँताएका छन् आफ्ना गजलका शेरहरूमा थाहा छ यी दुई अक्षर यात्रीहरू यतिबेला गजलको यात्रै नभएर आफ्नो जीवनको उज्यालो भविष्य खोजेर शब्द शिखरहरू मा यात्रा गरि रहेछन् । यिनीहरूको यो लोभ लाग्दो सृजनाले केही न केही सन्देश समाजलाई गर्नेछ ।

समयका प्रत्येक पलहरू महत्तवपूर्ण छ चेतना शील र सृजनशील मान्छेहरू समयको छाता ओढेर सृजना गछन् र सामाजिक विसंगतिहरू भत्काउँछन् यस्तै गरि रहेका छन् यी दुई गजलकारहरू यिनका अधिकास गजलहरू प्रेमले निथ्रुक्कै भिजेका छन् । सर्वाङ्ग जीवन प्रेममा नै निहित छ । यस्तो लाग्थ्यो कतै कुनै गजलहरू त आफैसँग सम्बन्ध जोडिए जस्तै लाग्थ्यो । यीनीहरूको गजलमा कहिले काँही म आफै पात्रको रुपमा उभिए जस्तै लाग्छ । पत्थर भैसकेकोल मेरा मनहरू फेरि एक पटक व्युँझिएको जस्तै लाग्यो । यही त गजलको क्षमता र लेखकको सुजना शक्ति । मैले यीनीहरू को गजलमा आफ्नो अभिमत प्रकट गर्दै गर्दा यस्तो अनुभव गरे धरातल सँगै उड्नुको एउटा औचित्य रहेछ त्यो क्षणिक भए पनि आखिर चाहिने त धरातल नै रहेछ । हो अक्षरहरूले उडान भरेर गजलकारहरू धरातलमै उभिएका छन् आफ्नो एक टुक्रा मन वोकेर । “धमिलिएका डोबहरू” मा प्रेमको शक्ति र समपर्ण भाव छ । हरेक सृजनामा प्रेम हुन्छ र यसमा प्रणयका थुप्रै चेतहरू छन् । समयको उदवेगहरूसँगै प्रेमी-प्रेमीकाहरुको न्यानो स्पर्श भेटिन्छन् । घाम जून जस्तै सुकिलो हुनुपर्छ प्रेम । जीवनको सुन्दर गन्तव्य हुनुपर्छ प्रेम । यस्तै सन्दर्भ उठाएर सवाल राक्दैछन् गजलकार

सवालः- मेरो उषाका प्रहरहरू खोसेर भूल गर्‍यौ,

मन भित्रका रहरहरू खोसेर भूल गर्‍यौ ।

जवाफः-चाँद छोड्दै विहानीको उषा खोज्दै आए,

कस्को रहर कति रै छ भनी सोच्दै आए ।

सवालः- वस्तीभित्र झोसेर आगो के पायौ कुन्नि,

सँगै रात काटेका सहरहरू खोसेर भूल गर्‍यौ ।

जवाफः-हामी दुईको सम्बन्धलाई टुटाउने यो समाज

जलाएर राख पारी आगो झोस्दै आएँ ।

मान्छेसँग माया कति छ कति छ तर साँचो र यथार्थ फरक रहेछ । कति झुट्टा मुद्दाहरू मा जीवन झेल्नुपर्छ र अरुका फूलहरू सँगै जीवन फुल्दै क्रमशः भन्नुपर्छ शायद यी नियतिका खेल हुन् । समग्रमा बाँच्नुको सार्थकता त्यहीनिर हुन्छ जहाँ मायाको संवेग हुन्छन् हृदय भरि । हरेक मनको हजलासमा मायाको विकेन्द्रीकरण हुन्छ । नयाँ सोच र अध्ययन सँग संयोजन हुन्छ । मनहरू अनि सार्थकता भेटिन्छन् सृजनाहरूमा । गजलकार जमुनाले आफ्ना मनको देउतालाई मनको शङ्कालाई हृदयवान् नै प्रेमीले स्पर्श गरेर सोधेकी छिन् हजुरलाई कस्तो विदेशमा गर्दैछौ ? मनभरि को थुप्रै अभिलाषाहरू गुनासाहरू पोख्दै छिन् सवाल मा यसरी र गजलकार रामकृष्ण ले आफ्नी प्रेमीकालाई मनको किनार बाट उठठएर आँखा भरि राखेर आफ्नो व्यथा पोखेका छन् गजलमा हेरौ न तः

सवालः-सात समुद्र पारि छौ, काम कस्तो छ राजा ?

ठिक्क कि धेरै थोरै, दाम कस्तो छ राजा ?

कता-कता सुनेकी छु मान्छे जाली छन् रे,

लुटपाट हुन्छ कित, ठाम कस्तो छ राजा ?

जवाफः-विदेशीको खुट्टा मोल्दै बस्नु पर्‍यो दास कान्छी,

कमाइ छैन हात मुख जोर्न पुर्‍याको छु गाँस कान्छी ।

कोही आˆनो छैन यहाँ हराउँछु आफैँ भित्र,

मर्न लाग्दा पानीको नि लाग्दैन खै आस कान्छी ।

यस्तै दुःखहरूको अनुभूति बोकेर आफ्नी प्रेयसीले समुद्रपारि रहेको आफ्नो जीवन साथीलाई धेरै कुराहरू मनको गुनासाहरू बनाएर सोध्दै छिन् यसरीः

सवालः- कस्तो छ तिम्लाई उता के गर्दै छौ गाउँमा प्यारी ?

बालुवामा खेल्दै छु म बिरानो यो ठाउँमा प्यारी ।

जवाफः-पर्खिएर तिम्रै बाटो हेरी बसेँ गाउँमा प्यारा,

कस्तो तिम्लाई उता बिरानो त्यो ठाउँमा प्यारा ।

सवालः- पढ्न पनि सकिएन इलम छैन हातमा केही,

त्यसैले त पर्न आए विदेशीको पाउमा प्यारी ।

जवाफः- यसो उसो कमाई गरी खाने बाटो छैन देशमा,

जानु पर्‍यो विदेशीको आखिर आज पाउमा प्यारा ।

हुन त मान्छेहरू आफै भित्र एउटा पीडाको पहाड वोकेर हिडिरहेको हुन्छन् एउटा अनौठो प्र्रश्नहरूको । फूल जस्तो स्थिनग्ध जीवन र सुवासिलो प्रेमको आवश्यकता भएर पनि त्यस्तो समग्र भेटिदैन जीवन यात्राहरूमा । कतिपय मान्छेका मनहरू वगर भएका छन् । इस्र्या र प्रतिशोधले स्थिरता जन्माएको त भावानाहरूमा । थुप्रै सपनाहरू वोकेर अक्षरहरूको यात्रामा वग्दै गरेको स्वणीम जिन्दगी लेख्ने क्रममा यतिबेला गजलकार रामकृष्ण र जमुनाले एउटा आफ्नै मायाको आँगन बनाएका छन् । कति छट्पटी, कति पीडा, कति भोगाइहरू छन् । गजलमा । कयौँ रात उनकै पर्खाइमा रोएर विताएको छन् । आस्थाका उज्याला घामहरू बोकेर उदायका छन् । यी गजल सङ्ग्रहहरू । यिनका रचनागत शिल्पशैली र गजलका संरचनाहरू उपयुक्त छन् तर शब्द भावहरू मा परिकृत भएर आउन जरुरी ठानेको छु । सवै गजलहरूमा मायाको वृतचित्र छन् अब देश र समाज उठान जरुरी छ यी गजल स्रष्टाहरूले । प्राय गजलहरूमा प्रेमी र प्रेमीका बीचको संवादहरू मात्रै छन् । गजलमा अझै नवीनता खोजको भए यो सङ्ग्रह ले एउटा अस्तित्व उठाउने थियो । समग्रमा गजलकारहरू को यो प्रयास प्रशंसनीय छ ।

Friday, May 24, 2013

भरतपुरकै ठिटो प्यारो

भरतपुरकै ठिटो प्यारो

गरौ अब भन्दा बिहे गर्न मान्दिन काली
जति माया गरेपनी आफ्नो ठान्दिन काली ।

बैश हुदा मोज मस्ति रुपको सार्ह्रै घमण्डी छे
मनले गर्या माया पनि छुट्य़ाउन जान्दिन काली ।

सबै सँग गफ हाँक्छे भरतपुरकै ठिटो प्यारो
अरु रोज्दा मलाई फेरि किन छान्दिन काली ।



रामकृष्ण गजलकुन्ज,चितवन

Thursday, May 23, 2013

बुद्ध भारतलाई बेच्दैछन् /



रामकृष्ण पौडेल "अनायास"

सरकार ढाल्न सडकमा राँके जुलुस बाल्दैछन् रे
बिपक्षिदल मिल्दै आखिर शासन सत्ता ढाल्दैछन् रे ।

जुन जोगी आएपनी सबै उस्तै बस्त्र भिरि
जन्ता मारी आफ्नै झोली भोर्ने चाल चाल्दैछन् रे ।

पुर्व सिता पश्चिम बुद्ध भारतलाई बेच्दै आखिर
आफ्नो ईज्जत धोति टोपी बिदेशीलाई फाल्दैछन् रे ।

कति का काख रित्याईदिए उजाडपारे बस्ति सारा
लाज नभै गाउँ आउने अभियान थाल्दैछन् रे ।


गजलकुन्ज,भरतपुर

अलि वर सर प्रीय

अनिता साँखी

उति पर किन बस्छौ अलि वर सर प्रीय
यो जवानि तिम्रै हो जे जे गर्छौ गर प्रीय

          डुब्न देउ घाम पर्न देउ रात
रित्तै छन बोतल अनि गिलास पनि भर प्रीय

खानि पिउनि मस्ति गर्नि यहि नै हो बेला
मरी जाने जिन्दगी हो लानु के नै छर प्रीय

भरतपुरको ठिटो तिमि नवलपुरमा म छु एक्लै
कावासोति आउदा खेरी रजहरमै झर प्रीय

तस्बिर मात्रै हेर्थे संधै सपनिमा देखे हिजो
भन्दै थियो ढुक्क होउ येहि ज्यानको भर पर प्रीय



देवचुली कलेज
रजहर-१, नवलपरासी

Monday, May 20, 2013

बिताएका रातहरू

गजल

बिर्सु भन्दा याद आउछ बिताएका रातहरू
युगौ युग बाँच्छ भन्थ्यौ हामि दुईको साथहरू ।

बलेकै त ताप्छन् आगो निभेको के अर्थ छ
त्यसैले त एका एक दिन थाल्यौ घातहरू ।

जति पनि सहुँला म दुःख कष्ट परिआए
भन्ऩे हिजो तिमिनै हौ आज झिक्यौ हातहरू ।

हुर्कायौ रे सन्तान उस्को म त अझै बियोगमा छु
सुहाग आखिर तिमिनै हौ भन्दै गर्थ्यौ बातहरू ।

रामकृष्ण पौडेल "अनायास"
गजलकुन्ज,चितवन

Wednesday, May 15, 2013

ईज्जत ढाक्ने एकहात बस्त्र

रामकृष्ण पौडेल 'अनयास'

हामि दुईको बिचमा सानु कुलघरान जात थियो
धनि गरिव आकाश पाताल संम्बन्धको बात थियो ।

मेरो हातको चल्ने भए बाँड्थे आधि गास पनि
बार्न खोज्नु चुलोचौको तिम्रो ठुलो मात थियो ।

धुरि खाम्बो भाँचिएको चुहिने खरको छानो मेरो
के निदाउथ्यौ खाने बस्ने भिन्ऩा भिन्ऩै खाट थियो ।

रगत एउटै भएपनि छुदा सुनपानि छर्कि
सम्पत्ति र जात दाँज्नु आखिर तिम्रो घात थियो ।

ईज्जत ढाक्ने एकहात बस्त्र मुख जोर्ने गास अनि
बाँचुन्जेल साहाराको खाँचो तिम्रो हात थियो ।

भरतपुर- 13,गजलकुन्ज
चितवन

भ्रष्ट नेताहरु



गजल

नेताहरुले भत्ता पचाईरहेछन्।
पालैपालो सत्ता जमाईरहेछन् ॥

सपनामा आउने तिम्रा तस्विरहरुले।
अनयासै मलाई सताईरहेछन् ॥

सिंहदरबार भित्र भ्रष्ट नेताहरुले
नेपालीलाई मुर्ख बनाईरहेछन् ॥

बजेटको पैसा हिनामिना हुदा।
बर्सेनी टहराहरु बगाईरहेछन् ॥

सरकार अन्धो भएको हुनुपर्दछ।
निर्दोषलाई गोली चलाईरहेछन्॥

©सुमन मुस्कान बालकुमारी कलेज
नारायणगढ चितवन

चोक चोकमा गजल

गजल

यो सँसार सारा ,गज्जब लाग्छ यार।
उनको त्यो पारा ,गज्जब लाग्छ यार॥

जिन्दगि भर सधै छुट्टिएर बस्नुपर्ने।
नदिका किनारा ,गज्जब लाग्छ यार॥

दिनरात सधै बेकाम मा हिडदा पनि।
चलेको छ गुजारा ,गज्जब लाग्छ यार॥

हिजोआज रातमा हिड्दा जिस्क्याउछ
आकाशका तारा , गज्जब लाग्छ यार॥

चोक चोकमा गजल सुनाउदै हिडदा।
भन्छन आवारा ,गज्जब लाग्छ यार॥

©कृष्ण अबिरल
गितानगर-४,देबनगर
२०६९-११-२२..

Tuesday, May 14, 2013

विजय, प्राप्त गर्दैछु !


कविता


हिज त म हारे, मलाई हार्न नै कर थियो त्यो दिन ! !
किन कि मलाई, मेरो ईज्जत र पाप देखि, डर थियो ! !

आज त् म जित्दैछु, किन कि, म नितान्त निर्दोष छु !
हिज कल्पना गरे, कतै गल्ति पो मेरो हो कि,भनि ! !

केहि दिन बाध्य भएर मौन रहे, त्यो अन्याय सहि !
सुन्ने गर्थे हिज, सत्यको विजय ढिलो हुन्छ भनि ! !

आज ढिलैभए पनि मैले, विजय, प्राप्त गर्दैछु !
अत्याचारलाई तल झार्दै, फेरी अगाडी बढ्दै छु ! !

हिज मेरा बनाईएका ति, निष्कृय आत्माहरु !
आज फेरी बितारै, ताते,ताते गर्दै अगाडी बढ्दै छु ! !

निर्मला जिज्ञाशु [ प्रवास ] ईजराएल

तारिख झेल्दै थिई फैसला आउदै छ रे


गजल

तारिख झेल्दै थिई फैसला आउदै छ रे
मन भाँडिएकै थियो बरा! सफाई पाउदै छ रे ।

यौवनले मात्तिएर कतिको मन मार्दै हिन्थि
मुलुकी ऐन ज्यान मारेको "दफा 28" लाउदै छ रे ।

हिरासतमा पर्दा फुच्ची धरौटिमा छुट्छु भन्थि
आखिर आज बिरहका जेलमा गित गाउँदै छ रे ।

माया गर्नु अपराध होईन भन्दै बाहिर नारा लाउदै
पिरतिको मामिला हो जनमासमा छाउदै छ रे ।

इमान्दार भई अदालतमा सबुत प्रमाण जुटाएर
निर्दोश साबित गराउन कट्घरामा धाउदै छ रे

रामकृष्ण पौडेल"अनयास"
गजलकुन्ज

साहित्यको मझेरिमा


यती टाढा किन आउथे चिसो चुलो जलेको भा
चौकिदारी गर्दिन थे खान पुग्ने फलेको भा ||

बाँचुन्जेल खानु न हो मर्दा लानु के नै थ्यो र
आँटो पिठो सबै खान्थे खान्थे ढुङ्गो गलेको भा||

जसो तसो बामे सर्छु साहित्यको मझेरिमा
तिम्रो जस्तै गजल बेच्थे मेरो पनि चलेको भा||


कसरी पो बुझ्छौ तिमी स्वाभीमान भन्ने कुरा
थाहा हुन्थ्यो तिमीलाई तिम्रो शिर ढलेको भा||

मसाल बोकी आए कोही जातित्वको नारा फुक्दै
पक्कै हात सेक्थे होला मेरो झुप्रो बलेको भा||

मेरो मुटु मैसंग थियो

गजल

अध्यारो रात जब ,कमजोर हुन थाल्यो
तिम्रा ति आखाहरु चोर हुन थाल्यो

मेरो मुटु मैसंग थियो तिम्रो तिमिसंगनै
बिजोर मुटु पनि ,जोर हुन थाल्यो

मित्र-भित्रै आगो सल्कियो तनमा मनमा मेरो
बाहिर भने वर्षा घनघोर हुन थाल्यो

थाहा पाय सबैले मेरो चुरा बझ्दा
घर भन्दा बाहिर स्वर हुन थाल्यो


* नयन अधिकारी
भरतपुर

Sunday, May 12, 2013

नमेटिने घाउ दियौ



गीत रचनाकार : सुजन अनिमेश अधिकारी

जिन्दगीको पहिलो प्रहर्मै तिमीले,नमेटिने घाउ दियौ
मायालुको हात मागेथे मैले,धुलो टेक्ने पाउ दियौ

सुख तिम्रै भागमा पारी दु:खा आफै खेप्छु भन्थे
तिमीलाई हेरी तिम्रै रूपको मिठो मिठो गीत लेख्छु भन्थे

मायको यो अङ्गालोमा नकसिदै,कलङ्कको तितो नाउ दियौ
मायालुको हात मागेथे मैले,धुलो टेक्ने पाउ दियौ
जिन्दगीको पहिलो प्रहर्मै तिमीले,नमेटिने घाउ दियौ

भाताभुङगा भो लथालिङगा भो यो मनको तिमी बस्ने दर्बार्
बाच्नु भन्दा मर्नै निको,आउ छातिमा रोपिदेउन तर्बार्


घोचिरहने पोलिरहने बास बस्ने तिमीले कस्तो ठाउ दियौ
मायालुको हात मागेथे मैले,धुलो टेक्ने पाउ दियौ
जिन्दगीको पहिलो प्रहर्मै तिमीले,नमेटिने घाउ दियौ




मिति:२०६७-९-१६गते

Friday, May 3, 2013

गजलका थुँगाहरु श्रृंखला– ७ (हास्यव्याङ्य विशेष, हास्यकालाकार सुरज भिरखैरेको साथमा )

दर्जनौ ब्लगहरुमार्फत एकैपल्ट सुन्न र डाउनलोड गर्न सकिने
कार्यक्रम:- "गजलका थुँगाहरु" 
अर्जुन पौडेलको परिकल्पनामा 

गजलका थुँगाहरु श्रृंखला– ७ (हास्यव्याङ्य विशेष, हास्यकालाकार सुरज भिरखैरेको साथमा )  
मितिः– 2070।1।20 Firday  Facebook Page
गजलका थुँगाहरु श्रृंखला– ७ (हास्यव्याङ्य विशेष, हास्यकालाकार सुरज भिरखैरेको साथमा )  नमस्कार साथीहरु, आज मिति २०७०।१।९ गते सोमवार  हामी गजलमनहरुको यौटा भिन्दै कार्यक्रम  विशेष लिएर उपस्थित भएका छौं । गजलकार अर्जुन पौडेलको परिकल्पना र उत्पादनमा एकै पल्ट विभिन्न 25 ब्लगहरु तथा वेबसाइटहरु मार्फत एकै पल्ट प्रसारण हुने नेपाली साहित्य जगतमा एउटा अनुपम प्रयास, तपाई हाम्रा मिलन विछोडका कुरा, कतै मन दुखेका कुरा त कतै माया र प्रेम साटेका कुरा , गजल मार्फत अभिव्यत गर्ने साझा चौतारी कार्यक्रम गजलका थुँगाहरु लिएर कार्यक्रम प्रस्तोता उपस्थित हास्यकालाकार सुरज भिरखैरेको हुनुभैक्नुभएको छ ।

कार्यक्रममा अनायासका पानाहरु फेसबुक पेज र गजलका थुँगाहरुमा पोष्ट भएका गजलहरु तथा तपाइहरुलेनै मेलमा पठाउनुभएको गजलहरु लिएर आएका छौं । आजको श्रृङ्खला कस्तो लाग्यो हामीलाई सल्लाह सुझाव र प्रतिकृया दिन नभुल्नुहोला । आउनुस् हामी पनि सुनौ गजलका थुँगाहरु ।
Listen & Download 


 Download Here

सल्लाह सुझावको अपेक्षा राख्दछु