समयको धार

 (पुजा भट्ट) 

समाजबाट परेको हेलाको पत्र बनेकोछु म,
कहिले माथि नउठ्ने झरेको पात बनेकोछु म
गर्नु त धेरै छ यो जीवन - काल मा,
तर समाजको नराम्रो सिकार बनेको छु म


कू-दृष्टिका किरण सहने क्षमता हराई सक्यो,
कू-वाक्यका वाणी सुन्ने क्षमता हराई सक्यो
बन्नु त छ एक असल र अटल व्यक्तित्व,
तर समयको नराम्रो सिकार बनेकोछु म


तिरस्कार नगर सुन्यताको बन्धक बनाई,
अन्याय र अपराधको कुरूप चित्र बनाई
उदाउनु त छ बिहानको झुल्किने घाम सरि,
तर समयको नराम्रो सिकार बनेको छु म
तर समाजको नराम्रो सिकार बनेको छु म !!