बिडम्बना

Kabita 

अन्धकारको पर्ढा ढाकिएपछि
म सिथिल हुन्छु र बाध्य बन्छु,
आफु शिथिल बनेर तिम्रो आवेगका
शक्ति संग म लड्न
मैले सकि नसकि सोध्नै पर्छ
युद्ध मैदानको सिपाही संग
''तिमि सन्तुष्टी छौ'' ?
घाइते शिकारको चित्कार सुनेर
उसलाई त्यो चित्कारको आवेगले
झन् शक्ति बढेको अनुमान गर्न सक्छु /

सास घाँटी सम्म नआउन्जेल
उसको पन्जा बाट पक्कै उम्कन पाउने छैन
अब म सबै शिथिल शरिर
उसकै भोकका लागि चढाउदै छु
जब म निर्जिव बन्छु
तव उसका मन भरिन्छ
अनि उ यसरि नै
अर्को शिकारको खोजीमा दौडिरहन्छ /

''अनायास'' भरतपुर-१३ कबिडाँडा

''रामु'' ले आज सागर तर्छु भन्दै थियो

रामकृष्ण पौडेल ''अनायास''

'रामु'ले आज सागर तर्छु भन्दै थियो
छिमेकि खुट्टा तान्ने योजना गर्दै थियो

दुनिया स्वार्थि बन्दैछ देख्दैछु अचेल
एउटा मरी राख्दा साथि पछि सर्दै थियो

बचाउन छाडेर आँखा लगाउदै छ
उल्टै शरिर छामछुम गर्दा उ मर्दै थियो

घुस नखाने को भेटिएला आखिर यहाँ
खाएरै पत्रकार उल्टो सूचना छर्दै थियो

निर्दोस जहिले पनि अपराधि ठहरिन्छ
न्यायधिस बाटै उल्टो फैसला बन्दै थियो
गजलकुञ्ज,

रेडियो अर्पण चितवनको भानु बिशेष साहित्यिक कार्यक्रम

रेडियो अर्पण चितवनको भानु बिशेष साहित्यिक कार्यक्रम

मुक्तक

भगवान छन् कि छैनन् मन्दिर धाउने हरुलाई सोध्छु,

आज सम्म कसले देखेको छ भजन गाउने हरुलाई सोध्छु
कर्म नगरी फल कहाँ पाईन्छ र मेहनत गर्दै पर्छ भन्छु
मागेर कति चल्छ र पहेलो बस्त्र लाउने हरुलाई सोध्छु /
''अनायास''

मनमाया र मेरी आमा

कविता

सुत्केरी ब्याथाले चिच्याई रहेकी मनमाया
आफ्नो मुर्त्युको कल्पना गरिरहेकी छ
बाँच्ने बिस्वास हराएको छ उसलाई
दुखाईको पिंडा दोब्बर भएर होला
डाक्टरहरु तैनाथ छन्
अस्पतालले गगन छुनै आँटेको छ
ढोकामा आफन्तको घुईचोले
खचाखच भरिएको छ

सबैका हातमा दुध,हर्लिस,फलफुल,कपडा
बोक्नैनसक्ने गरि लिएका छन्
बाबु को दर्जा पाउनै लागेको खुशीमा
हर्के बिस्व युद्ध जितेको अनुभव गर्दै
आफु सफल पुरुषको कल्पना गर्दै छ,
मनमा सुनको महल बनाउदै
आकास,जुन,तारा सबैले सजाउदै छ
हर्केको मन महंगा स्कुल,कलेज
महँगो शिक्षाको खोजीमा जुटिसक्यो
सायद उ संग टन्न पैसा भएर होला /

हर्केको जीवन देखेर
मेरी आमा कथाकी पात्र र
आमाको कहानी कथा जस्तो लाग्नु
मैले स्वाभाविकै ठान्दछु /

उचाइ ले गगन छुन लागेको पहाडमा
घाँसका भारि बोकेर
काँडा घारी छिचोल्दै
नाङ्गा खुट्टा बाट बगेका
रगतका नालाले तिखा ढुंगा पखाल्दै
रगताम्य गुन्युंमा मलाइ पोको पारेर
एक हातले च्याप्दै
र
अर्को हातले भित्तो समाउदै
जंगली जनावरलाई चुनौती दिदै
घर सम्म ल्याई
तातो पानि सम्म खान नपाएकी आमाले
आफ्ना स्तन निचोर्दै
मेरो मुख भिजाएकी थिइन्

त्यति बेला मेरी आमालाई
अस्पतालको महँगो बेड,डक्टर र
भेट्ने आफन्त सबै
सपना जस्तो थियो /

म निर्बस्त्र जमिनको धुलोमा
पछारिदै लड्दै कुकुरका छाउरा संग
खेल्दै हुर्की आज बयस्क आकारमा
आइपुग्दा
आफैलाई सपना जस्तै लागिरहेको हुन्छ

मेरा बा
लाहुरबाट फर्किदा
म छानो बिनाको पाठशालामा
बाह्रखरी सिक्न सक्ने भएको थिए

आमाले आफ्नो धोति च्यातेर
भोटो सिलाएर लगाईदिदा
गर्भले छाती फुलेर फुट्ला जस्तो हुन्थ्यो

जन्मिन नपाउदै न्यानो कपडाले
ढाकिएको मनमायाको छोरो
अझै बिरामी हुने डरमा
कैयौ रात नसुति
धेरै बिहानीहरु जन्माई रहेको छ हर्के /

रामकृष्ण पौडेल ''अनायास''
कबिडाँडा,भरतपुर

मुना र मदन

सवाल

यस्तो बस्ति बसाउँ 'मञ्जु'जहाँ चमत्कार होस्
केवल त्यहाँ तिम्रो र मेरो छुट्टै संसार होस्

खालि पेट भरिन्छ चोखो माया साटियो भने
प्रेममा दुई चिज बिस्वाश र ईमान्दार होस्

चकित पर्ने छन मुना र मदन पनि अब
भन्ने छन् हाम्रो देखेर यस्तो पो प्यार होस्

हाम्रो आँखा बाट विश्वा देखाउनु छ अब
केहि गर्नु पर्छ भन्ने सबैको विचार होस्