Wednesday, January 6, 2016

शिर्षक - बैठक

कविता 
शानदार होटल भित्र 
पशु अधिकारबादि हरूको
एक भब्य मिटिड• हुदैछ 

वेटर ले अर्डर लिन्छ,
 कसैले चिकन,मटम कसैले
 बफ आइटमको अर्डर गर्छन्

 बिचैमै एक जना भद्र उठेर 
भन्छन्
 "पशुको हत्या गर्नु अपराध हो" 
ठुला ठुला बिचारहरू प्रस्तुत हुन्छन्
 चिसो लागेको गुनासो पोख्दै
 फेरि अर्का व्यक्तिले
 वेटरसँग बफ सुप माग्छन्
 सँगै माग्छन् टाउको फ्राई

 बहस जारिनै छ
 प्रस्तावहरु आउछन्
 १ साइकलमा उधोमुन्टो लगाएर कुखुरा बोक्न बन्द गर्नु पर्छ /
 २ राँगा गोरू बाट चल्ने बयल गाडा बन्द गर्नु पर्छ  / 
३ अव दशैं तिहारमा हुने काटमार रोक्नु पर्छ । 
उक्त प्रस्ताव उपर छलफल गरी
 निम्न कार्यहरू गर्न गराउन बन्द गर्ने 
निर्णय गरियो । 

रामकृष्ण अनायास

No comments:

Post a Comment

सल्लाह सुझावको अपेक्षा राख्दछु