Thursday, November 27, 2014

गजल

सुन्दैछु पराईको मनमा बसाई सर्दै छन् अरे
रामु'ले हिसाब चुक्ता नगरे आफै मर्दै छन् अरे

बिश्वास हट्न दिनेछैन प्रेमको अमर राख्नु छ मैले
मेरो सिन्दुर मेटाएर फेरि सिउदो भर्दै छन् अरे

म कसरि हेर्न सक्छु हे प्रभु Û पिडा कति दिन्छौ
डोली संगै उन्लाई बोकी जन्ती यतै झर्दै छन् अरे

हरे म आज कस्तो नराम्रो देखि रहेको छु सपनामा
अनायास प्रेममा पागल भयो भन्दै हल्ला छर्दै छन् अरे

यस्तो सपना देख्न नपरोस् भगवान् कसैलाई अब
प्रेम गर्नेलाई सरकारले राहात योजना गर्दै छन् अरे

रामकृष्ण पौडेल 'अनायास'
गजलकुञ्ज भरतपुर

No comments:

Post a Comment

सल्लाह सुझावको अपेक्षा राख्दछु