सयपत्री फुल्दै होलान..

रामकृष्ण पौडेल "अनयास"

भरतपुर-13, गजलकुन्ज

चितवन

आँगनिको डिलमा यो साल सयपत्री फुल्दै होलान

गैँरी खेतमा धानका बाला लहलह झुल्दै होलान ।

आलो पालो मेला पर्म गाउँमै कुटो कोदालोमा
लेक बेशि साथि भाई काम काजले भुल्दै होलान ।

आउनै लाग्यो बर्ष दिनको दशैँ तिहार तिज अव
के कसरि मनाउने हो, भन्दै गाउँमा डुल्दै होलान ।

पोहर साल त त्यस्तै भयो अर्को चोटी आउँछु भन्थे
यसपाली त आमा वैनी मेरै बाटो कुर्दै होलान ।