भयो जिन्दगी..

शान्ति अधिकारी

बाँके २..

पोखिएको तेल सरी भयो जिन्दगी ,

खहरेको भेल सरी भयो जिन्दगी ।

अघि पछि मान्छेहरु देख्छु उभिएको ,

अपराधिको जेल सरी भयो जिन्दगी ।

जुटे जस्तो देखिएनी हुन्न जोडिएको ,

आकाश धर्ति मेल सरी भयो जिन्दगी ।

धन भएनि मन भित्र शान्ति नभएसी ,

पास हैन फेल सरी भयो जिन्दगी ।

आफ्नै कारण सबै सामु आफै लुटिदा ,

आत्मघाति खेल सरी भयो जिन्दगी ।

गजल 'गरुवाली तारा '

बाहुमा हाली प्रियतम  भन्दै  कस्ने पो होकी ?

कथामा जस्तै जून तारा बन्दै खस्ने पो  होकी ?

हेर्दै बाटो प्रतिक्षा गर्दै  गुजारे धेरै पल

अंगालो मारी अधर चुम्दै बस्ने पो होकि ?

खोली पो दिन्छु बन्चित ढोका बेहोशी भएर

लुकेर हेर्ने आँखी झ्याल तोड्दै पस्ने पो होकी ?

नागीन देखी तक्षक नाग मोहनी लागे झैँ

बाटीदै दाम्लो जहाँ सुकै ठुन्ग्दै डस्ने पो होकी ?

जवानी बरै उर्लेर आयो थामिन्न  थामेर

माछो नै भई कुमारी तालमा फस्ने पो होकी ?

*************गरुवाली तारा'*****

(संयुक्त गजल)

"आमा तिम्ले कोख बाँझै राखेको भए हुन्थ्यो 

भ्रष्ट्र सन्तान पाउनु भन्दा मासेको भए हुन्थ्यो" । रामकृष्ण पौडेल अनयास

आँखा भरी हिमचुली नितान्त एक मेरो कथा..
बोकी सदा सिङ्गो आश्मान ढाकेको भए हुन्थ्यो..!'' लक्ष्मण 'मिलन' विष्ट''

प्रधानमन्त्री, अर्थमन्त्री, गृहमन्त्री भन्नु भन्दा ;
सबैलाई भष्ट्र भनी टाँसेको भए हुन्थ्यो । ''Yagya Prasad Giri''

किन सधै छुरा भाला रोपिन्छ यो घरमा
थोरै स्नेह पनि कहिँ पालेको भए हुन्थ्यो ''Khakendra Saud Samarpan''

रोयौ होला आमा धेरै, छोरा छोरी को मानि पिर
पृथ्बी का भारलाई नजन्माई तिमी,हाँसेको भयहुन्थ्यो ''Manju Tiwari''

अति भयो है अब त आमा सोचेर याँहा फेरी पनि
गुँणवान एक जन्माई यीनलाई नासेको भए हुन्थ्यो! ;;Shailendra Thapa ''

Risrag birsiyera santaanharule pani,
premko mala ekapashma gaseko bhaye huntheyo ''Sapana Khanal'

गीत

- सुचित्रा खनिया

माया के हो ? जिन्दगीमा मैले तिमीसंग सिकें

बिर्सिएर पीडा  सबै नौलो  खुसी उमंग  भेटें

चोट,पीडा ,तड्पाइमा मर्दै मर्दै बाँचेकी थें

जती थिए आशा इच्छा आँशुसँग साटेकी थें

यस्तै रैछ माया भन्नु यस्को अनेक रंग देखें

बिर्सिएर पीडा सबै नौलो खुसी उमंग भेटें

देउता सरी पुजी रहूँ लाग्छ अब तिमीलाई

यस्तै साथ पाई रहुं संधै जूनी जूनीलाई

छुटेका ति पलहरु आज तिमी संग मेटें

बिर्सिएर पीडा सबै नौलो खुसी उमंग भेटें ।

बिगार्यो

-गोबिन्द चन्द सोडारी'समर्पण' 

कालागाउं अछाम

हिड्दै थिए अध्यारो त्यो रातले बिगार्यो,..।
पिउदै गए बोतलको त्यो मातले बिगार्यो ।।

समाएर अङ्गालोमा बेरे पछि तीमले,..।

के के गर्यो जवानिमा हातले बिगार्यो ।।

खाए पछि धेरै बोल्ने तिम्रो बानि कस्तो,..।
बेहोसिमा के के बोल्यौ बातले बिगार्यो ।।

तिमि धनि म गरिब कस्तो अचम्म यो,..।
ठुलो सानो छुट्याउने जातले बिगार्यो ।।

माग्दै गए पढ्छु भनि मोज गरि गरी,..।
खादै सके पैशाको त्यो खातले बिगार्यो ।।

दिर्घायु कामना- !

neeta kc

खबर सुन्दा तिम्रो बिरामीको
पीडै पीडाले पिल्सिन थाले
मुहार देख्दा तिम्रो तस्बिरको
जली जली एक्लै मर्न थाले

हजारौ अप्रिय घटनाक्रमहरु
सल्बलाउन थाले मस्तिस्कमा

हजारौ हजार मायालु भाबहरु
पलाउन थाले मुटुको मझेरीमा

गर्दैछु प्रार्थना हरेक स्वासमा
तिम्रो सुस्वास्थको लागि
गर्दैछु बन्दना हरेक मुर्तिमा
तिम्रो दिर्घायुको लागि

खुसी होऊ तिमी, रित्तिएर दिन्छु,
मेरा जिबन्त खुसीहरू
मुस्कुराउ तिमी, सिद्धिएर दिन्छु,
मेरा हरेक पुण्यहरु

दिएर आयु आफ्नो
तिम्रो दिर्घायु कामना गर्दछु
छरेर मुस्कान आफ्नो
तिम्रो सम्पूर्ण पीडा बोक्दछु - !!