''मैले एउटा छोरि जन्माउनु छ ''

कविता
''मैले एउटा छोरि जन्माउनु छ ''

निराशाको कालो बादल
मेरी आमाको अनुहारमा
हिजो ढाकिएको थियो
समाजले पुरुषको माग कहिल्यै घटाएन
मेरी आमाले कैयौ छोरिहरु जन्माएर
ठुलो चुनौती दिएकी थिईन् /

यो ठुलो युद्धमा
घाईते भएकि मेरी आमा
आज पनि त्यो चोटको पिंडामा
चिच्याई रहन्छिन् /
अब म मेरी आमाको समर्थकहरु
खोज्दै छु /

अनि पठाउछु एउटा पत्र
राष्ट्रीय सभामा
मेरी आमालाई लागेको आरोप
खारेजीका निम्ति
अनि देखाउनु छ यो समाजलाई मैले
मेरी आमाको सदियौ देखिको सपना पुरा गर्न
मैले एउटा छोरि जन्माउनु छ /

रामकृष्ण पौडेल अनायास
कविडाँडा