भाग्य कर्म दैब सबले एकै चोटी ठगे पछि

रामकृष्ण पौडेल अनायास

सयपत्री र मखमली फूल सारे भन्थ्यौ बैनी
गोडमेल गर्दा पालुवा लाई बारे भन्थ्यौ बैनी /

बर्खामास कैले भेल नारायणी उर्ली आउदा
घरखेत संगै लग्यो दाई हारे भन्थ्यौ बैनी /

न त दाई आउने भए न त बच्यो बास आखिर
भन्दै फोनमा रुदै आश मारे भन्थ्यौ बैनी /

भाग्य कर्म दैब सबले एकै चोटी ठगे पछि
चुहिने छानो आदि गास टारे भन्थ्यौ बैनी /


गजलकुञ्ज