पिर ब्यथा मनका कस्ले, सुन्छन् अभागीको ।
जो ओराली लागेको छ त्यसैलाई खेद्दै सबले
बिना काममा फसाउँदैजाल, बुन्छन् अभागीको ।
लात मार्दै दबाउछन् निर्दो हार्नै पर्ने आखिर
अन्यायमा बोल्ने मुख थुन्छन् अभागीको ।
संसारको रीतै यस्तै कस्लाई दोष दिनु यहाँ
चोट दिदै घाउ बिचमै, छुन्छन् अभागीको ।
के दिन्थे र गरी खान जलाउछन बस्ती सारा
भएको त्यै भाग्य पनि धुन्छन् अभागीको ।
रामकृष्ण पौडेल "अनयास"
भरतपुर-१३, कैलाशनगर चितवन
गजलकुन्ज
No comments:
Post a Comment