अजम्बरी प्रितको नाता

बिष्णु 

हाल: अर्कैको देशमा

अजम्बरी प्रितको नाता,अर्कै सँग लायौ अरे
जनम जनम साथ दिने,कसम पनि खायौ अरे

खुशी मिलोस् सधैँ भरी,बधाई छ तिमीलाई 

खोजे जस्तै रोजे जस्तै,बर तिम्ले पायौ अरे

छुइन दुखि,खुशी मिल्दा,म नी त्यसै गर्थे होला
कुरा काटी मेरो तिम्ले,उसकै गुनगान गायौ अरे

मेरो भन्दा धेरै माया,दियोस् उसले तिमीलाई
भुली सबै अतितहरु,उसकै पछी धायौ अरे

देख्ने सुन्ने भन्दै थिए,नदुखे झैँ गरी सुने
सम्झनामा छ ऊ भन्दै,उसको दिलमा छायौ अरे