मेरोलागि भोकै

 नीरस मैनाली

मेरोलागि भोकै बसी ब्रत कति बस्छ्यौ प्रिया
भोकाएको पेटलाई अझ कति कस्छ्यौ प्रिया

भयो अब छाड तिमी कति गर्छयौ दुःख सधै
मन भित्र बसेकि छ्यौ अझ कता पस्छ्यौ प्रिया

साथ तिम्रो पाएकै छु त्यसमाथि ब्रत बसी
मायाका ति तिरहरु अझ कति धस्छ्यौ प्रिया

एक् अर्काका परिपूरक हामी यसै भएका छौं
ब्रत बसि फेरी किन दुःखमा नै फँस्छ्यौ प्रिया

'नीरस' यो कायल छ पाई तिम्रो माया यसै
अझ फेरी मायाले नै कति धेरै डस्छ्यौ प्रिया