अन्जान छु

हरि किशोर पौडेल 
स्यांग्जा, मल्यांग्कोट १
रामलीगाउँ, ज्यग्दी किनार

अन्जान छु रूपकै भरमा छानु कसोरी I

बिनासित्ति अर्कीलाई आफ्नो ठानु कसोरी I
१
लजाई-लजाई आँखा पल-पलमै जुधेपछी ;
को हो? को हो? पराया पनि मानु कसोरी I
२
हात समाई कुरा गरूँ दुनियाले देख्ने डर ;
परै बाट नयन भाका जानु कसोरी I
३
यति राम्री छे नि उ मेरो प्रसंसा सधै अपुरो ;
ए हजुर उस्कै पछि लाग्छ मन धानु कसोरी I
४
अचेल, शाथी भन्दै छन् दुब्लाउदै छस हरि ;
उस्कै यादले पिरोल्छ त खानु कसोरी I
५

जुन्को शितलतामा

नेत्रराज श्रेष्ठ 

जुन्को शितलतामा पोखियो माया
उन्कै ढुक्ढुकिमा रोकियो माया

एकै नजर काफी भयो मलाई
तेही नजरमा नै ठोकियो माया

पहिले नजर अनि धड्कन मिल्यो
धड्कन संगै अधर टोकियो माया

जनम जनम को नाता कायम भयो
मन अनि मुटुको भारी बोकियो माया

पर्खाइमा छु

नेत्र रज श्रेष्ठ
दोलखा लकुरी डाँडा ५ ओखरबोट

आउछौ भन्ने आस त छैन तेहिनी पर्खाइमा छु
खै मन्मा बास त छैन तेहिनी पर्खाइमा छु

पल पल्मा सम्झी राखेको अनि भेटेको छु
भेट्न कुनै खास त छैन तेहिनी पर्खाइमा छु

रिस उठ्यो झर्किय अनि थर्किय आफै आफै
छुट्ने कुनै त्रास त छैन तेहिनी पर्खाइमा छु

मुटु भरिको माया उनैलाई दियको छु
मेरो मायामा कुनै ह्रास त छैन तेहिनी पर्खाइमा छु